„Политиката за приватност“ се однесува на сите лични податоци што ни ги обезбедувате, како и на сите лични податоци што ги собираме за Вас, или за тоа како ја користите нашата веб-страница или апликацијата за мобилни уреди (преку користење „колачиња“) или за Вашите шеми на патување ако резервирате со нас. „Политиката за приватност“ Ви помага подобро да разберете како ги користиме Вашите лични податоци и објаснува како ги собираме, за што ги користиме и со кого ги споделуваме.
1. КОИ СМЕ НИЕ?
Wizz Air Hungary Ltd. („Wizz Air“ или „ние“ или „нас“) (регистрирано седиште: Laurus Offices, Kőér street 2/A, Building B, II-V., H-1103, Будимпешта, Унгарија; регистарски број на компанијата: 01-10-140174) врши функција на контролор на податоци. Тоа значи дека Wizz Air одлучува како ќе се обработуваат Вашите лични податоци и за какви цели.
2. СЛУЖБЕНИК ЗА ЗАШТИТА НА ПОДАТОЦИ
Wizz Air назначи службеник за заштита на податоци („СЗП“) за да се погрижи да се почитуваат важечките закони за заштита на податоци и да ја контролира ситуацијата, како и да се увери дека сите Ваши прашања за заштита на податоците се одговорени. Органот за заштита на податоците во Унгарија е главен надзорен орган за заштита на податоците за Wizz Air како контролор на податоци.
Во секое време имате право да испратите поплака поврзана со заштита на податоците до надзорниот орган.
Ако сакате да ги остварите Вашите права поврзани со заштита на податоците, може да го испратите Вашето барање ТУКА откако ќе се најавите на Вашата сметка на WIZZ во картичката за заштита на податоците.
3. ШТО ЗНАЧИ ИЗРАЗОТ „ВАШИ ЛИЧНИ ПОДАТОЦИ“?
Личните податоци се однесуваат на живо лице кое јасно може да се идентификува од тие податоци, особено името, адресата, телефонскиот број, адресата на е-пошта, бројот на кредитната или платежната картичка, информациите за специјална нега. Идентификацијата може да се изврши само со информациите или во врска со некоја друга информација во сопственост или пак, со веројатност дека ќе биде во сопственост, на контролорот на податоците.
4. КАКО СОБИРАМЕ ЛИЧНИ ПОДАТОЦИ?
Вашите податоци ги собираме на нашата веб-страница, апликацијата за мобилни уреди, преку е-пошта, Центарот за поддршка, стандардна пошта кога ќе ни испратите писмо и во одредени случаи, на аеродромот кога треба или мора да подготвиме меморандуми или записници за одредени настани поврзани со Вашето патување.
5. ЗОШТО СОБИРАМЕ ЛИЧНИ ПОДАТОЦИ? (ЦЕЛИ НА ОБРАБОТУВАЊЕТО ПОДАТОЦИ)
Целите за коишто ги собираме и користиме Вашите лични податоци се следниве:
а) За создавање на Вашата сметка на WIZZ, при што ги собираме следниве податоци: титула, име, датум на раѓање, пол, број на мобилен телефон, адреса на е-пошта, националност (државјанство).
б) За обработка на Вашата резервација и потврдување на платежната картичка, ги собираме следниве податоци: титула, имиња на патниците, адреси, броеви на пасош или лична карта издадени во ЕУ со датумите на важење, телефонски броеви, адреси на е-пошта и IP-адреси, детали за кредитните/дебитните картички или други детали за плаќање или банка.
в) За обезбедување на услугите што сте ги купиле од нас, при што ги собираме следниве податоци: име на патникот, националност, пол, возрасна група, броеви на пасош или лична карта издадени во ЕУ со датумите на важење, здравствена состојба за патниците со специјални медицински и/или диететски барања, телефонски број, адреса на е-пошта, детали за кредитната или платежната картичка или сметката во банка, информации за специјална нега (чувствителни лични податоци), детали за летот, број за потврда, датум на раѓање, детали за патничките документи, услугите што сте ги купиле и бројот на сметката на WIZZ.
г) За олеснување на купувањето услуги или производи од трети страни на нашата веб-страница. За таа цел, ги собираме следниве податоци: име на патникот, националност, пол, телефонски број, адреса на е-пошта, детали за кредитната или платежната картичка, информации за специјална нега, детали за летот, број за потврда, датум на раѓање, детали за патничките документи, податоци за локацијата (заедно со географската локација во реално време на Вашиот компјутер или уред преку GPS, Bluetooth и IP-адресата , заедно со локации на Wi-Fi-точки на пристап што ги обезбедуваат многу луѓе и мобилни кули, ако користите функции поврзани со локација и ги вклучите поставките за услуги на локација на Вашиот уред и компјутер) и бројот на сметката на WIZZ.
д) За комуникација со Вас (на пример, при прекин на лет) преку е-пошта, телефон, SMS, MMS, известувања push, пораки во апликации, услуга за разговор, социјални медиуми, повици, писмо преку стандардна пошта. За таа цел, ги собираме следниве податоци: име и детали за контакт (телефонски број, адреса на е-пошта, поштенска адреса), податоци за летот, број на сметката на WIZZ.
ѓ) За испраќање потсетници за незавршени резервации. За таа цел, ги собираме следниве податоци: избраните почетна и крајна дестинација, летот во еден правец или повратниот лет, времето на поаѓање и пристигнување, бројот на патници, избраниот тип цена на превоз, вкупниот износ на цената на превоз, дали корисникот е претплатен на билтенот, типот резервација (обична, Wizz Discount Club, групна), избраните услуги, јазикот на страницата/апликацијата на Wizz Air.
е) За испраќање билтени. За таа цел, ги собираме следниве податоци: име и детали за контакт (телефонски број, адреса на е-пошта), детали за Вашите минати пребарувања на wizzair.com и навиките за патување, желби за патувања.
ж) За обезбедување понуди согласно Вашите поставки и прикажување персонализирани препораки за споредни производи. За таа цел, ги собираме следниве податоци: име и детали за контакт (телефонски број, адреса на е-пошта), желби за патувања што сте ни ги обезбедиле, детали за минати пребарувања на wizzair.com, детали за минати резервации, податоци за локација на навики за патување (заедно со географската локација во реално време на Вашиот компјутер или уред преку GPS, Bluetooth и IP-адресата , заедно со локации на Wi-Fi-точки на пристап што ги обезбедуваат многу луѓе и мобилни кули, ако користите функции поврзани со локација и ги вклучите поставките за услуги на локација на Вашиот уред и компјутер). За последното, користиме податоци од минати резервации/трансакции, податоци од графикон за купување во живо и класификација на маршрути што ја применува Wizz Air.
з) За комуникација со Вас за спроведување анкета во врска со задоволството на корисниците за аналитички цели, подобрувања на квалитетот, развој на услугите, подобрување на функционалноста на веб-страницата, мерење на успехот на рекламните кампањи или приспособување на услугите според Вашите потреби. За таа цел, ги собираме следниве податоци: име и детали за контакт (телефонски број, адреса на е-пошта) и детали за минати резервации.
ѕ) За поддржување административни и правни цели, на пример, за проверка против измама, како и за безбедносни, функционални и сигурносни цели. За таа цел, ги собираме следниве податоци: име на патникот, адреса, телефонски број, IP-адреса, податоци за географска локација, историја на резервирање и трансакции, детали за кредитна/дебитна картичка, податоци поврзани со жалби и поплаки.
и) За почитување на задолжителните одредби на важечките закони, како на пр., за цели поврзани со сметководство, наплата, ревизија, заштита на корисници, имиграција или јавно здравје. За таа цел, ги собираме следниве податоци: лични податоци поврзани со имиграциската и царинската контрола, лични податоци поврзани со фактурирање, податоци поврзани со лица коишто бараат специјална помош, лични податоци поврзани со нашите обврски во случај на прекин или одложување на летот.
Би сакале да напоменеме дека личните податоци што ни ги обезбедувате при создавањето на Вашата сметка на WIZZ ќе се користат за резервирање на Вашиот лет како патник со нас.
Затоа, при регистрирањето треба да наведете точни лични информации што целосно одговараат на податоците во патничкиот документ што ќе го користите на патувањето со нас.
Ако Вашите лични податоци се неточни или нецелосни, може да имате право да добиете од нас исправка или дополнување на Вашите лични податоци.
5.1. Обработување чувствителни лични податоци
Во одредени случаи, треба да обработуваме и посебни категории лични податоци (чувствителни лични податоци), како на пр., податоци поврзани со здравствената состојба, на пример, кога барате специјална помош од нас и/или оператор на аеродром (како што е обезбедувањето кислород) или кога ни обезбедувате информации за Вашата способност за летање (како на пример, информации за бременост или алергии) од безбедносни причини.
За обработка на Вашите чувствителни лични податоци, ќе треба да добиеме посебна согласност од Вас. Во спротивно, можеби нема да може да Ви ги обезбедиме бараните услуги. Можно е да ги користиме Вашите чувствителни лични податоци каде што е потребно, за да ги утврдиме, примениме или браниме законските барања и да обезбедиме усогласеност со задолжителните законски барања. Можно е да треба да се изврши пренос на Вашите чувствителни лични податоци на трети лица, дури и надвор од Европската економска област, при обезбедувањето на услугите што се бараат од нас врз основа на задолжителните законски одредби.
5.2. Профилирање
Профилирање вршиме за да Ви обезбедиме понуди согласно Вашите потреби, желби и интереси. Меѓу другото, понудите може да опфатат и попусти на билети за летови, попусти на други услуги, ваучери што се обезбедуваат за учество во анкети. Понудите се однесуваат на понуди од Wizz Air Hungary Ltd., Wizz Air UK Limited, Wizz Air Abu Dhabi или некој од нашите договорни партнери (како на пр., банки што издаваат брендирани кредитни/дебитни картички на WIZZ, со специјални погодности) или трети страни. Со Ваша согласност, понудите може да се испраќаат преку е-пошта, телефон, SMS или рекламни известувања.
Профилирање е каква било форма на автоматска обработка на Вашите лични податоци и се состои од употреба на лични податоци за проценување одредени лични аспекти што се однесуваат на Вас, а особено за анализирање или предвидување аспекти во врска со економската состојба, личните желби, интересите, сигурноста, однесувањето, локацијата или Вашите движења.
6. ПРАВНА ОСНОВА ЗА ОБРАБОТКА НА ПОДАТОЦИ
Активностите на обработка на податоци наведени во точките а)-в) од дел 5 од „Политикава за приватност“ се неопходни за спроведување на договорот што треба да се склучи меѓу Вас и Wizz Air или за преземање чекори на Ваше барање за да се склучи договор. Според тоа, обработката на податоците се врши согласно член 6 (1) (б) од „Општата регулатива за заштита на податоци“ бр. 2016/679 на Европскиот парламент и на Советот („ОРЗП“).
Правната основа за активностите на обработка на податоци наведени во точките г)-ж) од дел 5 од „Политикава за приватност“ е Вашата согласност според член 6 (1) (а) и член 9 (2) (а) од ОРЗП.
Правната основа за активностите на обработка на податоци наведени во точките з)-ѕ) од дел 5 од „Политикава за приватност“ е законскиот интерес на Wizz Air поврзан со обработката на податоците (член 6 (1) (ѓ) од ОРЗП). Ако правната основа е законскиот интерес на Wizz Air, внимателно ќе ги разгледаме Вашите интереси и основни права и слободи, како и тоа дали ги отфрлаат таквите законски интереси (тест на балансирање).
Активноста на обработка на податоци наведена во точка и) од дел 5 од „Политикава за приватност“ е неопходна за исполнување на законските обврски што важат за Wizz Air, па правната основа за обработката на податоците се заснова на член 6 (1) (в) од ОРЗП.
Последици од одбивање/неможност да се обезбедат лични податоци
Имајте предвид дека личните податоци наведени погоре во „Политикава за приватност“ во дел 5 ни се потребни за да ги овозможиме „Општите услови на превоз“, а и да Ви ги обезбедиме нашите услуги или персонализираните понуди.. Ако не ни ги обезбедите бараните лични податоци, нема да може да Ви ги обезбедиме сите или делови од услугите што сте ги побарале од нас.
Ако ја повлечете Вашата согласност или не се согласите да се користат Вашите чувствителни податоци, можеби нема да може да Ви ги обезбедиме сите или делови од услугите што сте ги побарале од нас. Имајте предвид дека во такви околности нема да може да ги откажете или да добиете поврат на средствата од таксите што сте ги платиле.
7. КОЛКУ ДОЛГО ГИ ЧУВАМЕ ВАШИТЕ ЛИЧНИ ПОДАТОЦИ?
Вашите лични податоци ги обработуваме во потребниот временски период во согласност со целите наведени во „Политиката за приватност“ или во периодот на ограничување пропишан со релевантните закони.
Вашите лични податоци ги чуваме онолку колку што е разумно потребно: во период од 6 години од исполнувањето на договорот склучен со нас (т.е. бришење на Вашата сметка на WIZZ) со цел да се почитуваат важечките закони за задржување на податоци.
Податоците од пребарување на интернет во врска со Вас ги чуваме четири дена.
Кога станува збор за сметководствени документи, периодот на задржување е 8 години од затворањето на финансиската година, во согласност со дел 169 од Акт C за сметководство од 2000 година.
Ако е поведена судска или дисциплинска постапка, личните податоци ќе се задржат до завршување на постапката, вклучувајќи го и времетраењето на кој било можен правен лек. Во случај на граѓански тужби, кои податоци ќе се избришат потоа зависи од статутот на ограничување на граѓанското право.
Во случај на обработка на податоци врз основа на согласност, личните податоци ќе се обработуваат сѐ до повлекувањето на согласноста.
8. ПОНАТАМОШНА ОБРАБОТКА НА ЛИЧНИ ПОДАТОЦИ
Ако сакаме да ги користиме Вашите лични податоци за нова цел што не е опфатена во „Политикава за приватност“, ќе Ви испратиме ново известување во кое ќе бидат објаснети сите услови што се однесуваат на новата обработка пред воопшто да се изврши новата обработка. Ако е потребно, ќе бараме Ваша согласност пред почетокот на новите активности на обработка на податоци.
9. ПРАВА ЗА ЗАШТИТА НА ВАШИТЕ ЛИЧНИ ПОДАТОЦИ
Согласно важечкиот закон за заштита на податоците, може да имате право:
- да побарате пристап до Вашите лични податоци,
- да побарате исправка на Вашите лични податоци,
- да побарате бришење на Вашите лични податоци,
- да побарате ограничување на обработката на Вашите лични податоци,
- да побарате преносливост на податоците,
- да поднесете приговор на обработката на Вашите лични податоци (заедно со приговор на профилирање, како и други права во врска со автоматизирано донесување одлуки),
- да ја повлечете согласноста и да испратите поплака до надлежниот орган.
9.1 Право на пристап
Може да имате право да добиете потврда од нас за тоа дали личните податоци што се однесуваат на Вас се обработуваат или не, и кога тоа е случај, да побарате пристап до личните податоци.
Може да имате право да добиете копија од личните податоци што се обработуваат согласно важечките закони за заштита на податоци. Можно е да побараме дополнителни информации од Вас за идентификација или за дополнителните копии што ги барате, може да наплатиме разумна такса согласно административните трошоци.
9.2. Право на исправка
Може да имате право да добиете исправка на неточни лични податоци што се однесуваат на Вас. Во зависност од целите на обработката, може да имате право на пополнување нецелосни лични податоци, дури и преку обезбедување дополнителна изјава.
Начелно, Вашето право на исправка го обезбедуваме бесплатно, но во случај на промени на име на патници во постоечката резервација најдоцна 3 часа пред закажаното време на поаѓање, може да Ви наплатиме за трошоците за промената на името ако се исполнети одредени услови согласно нашите „Општи услови на превоз“.
За повеќе информации за нашите правила за корекција на име, кликнете тука.
9.3. Право на бришење (право на заборавање)
Во одредени околности, може да имате право да побарате од нас бришење на Вашите лични податоци и може да бидеме обврзани да ги избришеме личните податоци. Во такви случаи, веќе нема да може да Ви ги обезбедуваме нашите услуги.
9.4. Право на огранучување обработка
Во одредени околности, може да имате право да побарате од нас ограничување на обработката на Вашите лични податоци. Во такви случаи, соодветните податоци ќе се означат и ќе може да ги обработуваме само ние во исклучителни околности.
9.5. Право на приговор и права во врска со автоматизирано донесување одлуки
Во одредени околности, може да имате право да поднесете приговор поради Вашата конкретна ситуација во секое време, со што ќе се спречи обработка на Вашите лични податоци, заедно со профилирање и може да се побара од нас веќе да не ги обработуваме Вашите лични податоци.
Освен тоа, ако Вашите лични податоци се обработуваат врз основа на нашиот законски интерес, имате право да поднесете приговор во секое време за да се спречи обработката на личните податоци што се однесуваат на Вас за таква цел.
Покрај тоа, во одредени околности во случај на автоматизирано индивидуално донесување одлуки, имате право да добиете човечка интервенција.
Ве известуваме дека, согласно ОРЗП, Wizz Air не користи механизам за автоматизирано донесување одлуки.
9.6. Право на преносливост на податоците
Во одредени околности, може да имате право да ги добиете Вашите лични податоци што сте ни ги обезбедиле, во структуриран, најчесто користен и машински читлив формат (односно, во дигитална форма) и може да имате право да побарате пренос на податоците на друг ентитет без пречки од нас, ако таквиот пренос е технички изводлив.
9.7. Право на повлекување согласност
Кога обработката на Вашите лични податоци се заснова на Ваша согласност, може да ја повлечете согласноста во секое време без да ни наведете причина, сосема бесплатно со кликнување на врската вметната во секој билтен или преку променување на поставките на Вашата сметка на Wizz Air или мобилен уред. Повлекувањето на согласноста не влијае на законитоста на обработката врз основа на согласноста пред повлекувањето.
Ако ја повлечете согласноста за обработка на Вашите лични податоци, можеби нема да може да Ви ги обезбедиме сите или делови од услугите што сте ги побарале (на пр., во случај на услуга за специјална помош, ако е потребно да се изврши обработка на чувствителни податоци).
9.8. Како да контактирате со нас и да ги остварите Вашите права поврзани со заштита на податоците?
Во врска со прашањата поврзани со заштита на податоци, за остварување на Вашите права или испраќање поплака, контактирајте со нас со кликнување ТУКА откако ќе се најавите на Вашата сметка на WIZZ.
Ако немате сметка на WIZZ, со нас може да контактирате ако го испратите Вашето барање ТУКА.
9.9. Право на поднесување поплака до надзорниот орган
Ако сметате дека се прекршени правата на Вашите лични податоци, може и да контактирате со и да поднесете поплака кај локалниот орган за заштита на податоци, особено во земјата-членка на Вашето место на живеење, работното место или местото на наводното прекршување.
Може и да контактирате со Органот за заштита на податоци и слобода на информации во Унгарија (Nemzeti Adatvédelmi és Információszabadság Hatóság, H-1125, Унгарија, Будимпешта, Szilágyi Erzsébet fasor 22/C.; телефон: +36-1 391-1400; телефакс: +36-1 391-1410).
10. КАКО ГИ ШТИТИМЕ ВАШИТЕ ЛИЧНИ ПОДАТОЦИ?
Wizz Air ги исполнува своите обврски согласно важечките закони за заштита на податоците со:
- редовно ажурирање на личните податоци,
- безбедно складирање и уништување,
- собирање или задржување соодветни, а не прекумерни количини податоци,
- штитење на личните податоци од губење, злоупотреба, неовластен пристап и објавување, како и обезбедување соодветни технички мерки за заштита на личните податоци.
Преземаме соодветни технички и организациски мерки за да се погрижиме Вашите лични податоци да се заштитат од случајно или незаконско уништување или случајно губење, менување, неовластено откривање или пристап, особено кога обработката опфаќа пренесување податоци преку мрежа, како и против сите други незаконски форми на обработка.
Во согласност со ова, меѓу другото, Wizz Air применува различни нивоа на права на пристап до податоците, што гарантира дека само соодветното овластено лице ќе има пристап до податоците, чиешто познавање на податоците е неопходно за извршување на неговата обврска што произлегува од или е во врска со вршењето на неговата работа.
Посветуваме особено внимание на безбедното пренесување на личните и финансиските податоци. Такви податоци се пренесуваат од компјутерот до серверот за резервации на Wizz Air преку шифрирани канали со поддршка од најсовремената технологија Secure Socket Layer (SSL).
11. СПОДЕЛУВАЊЕ НА ВАШИТЕ ЛИЧНИ ПОДАТОЦИ
Во текот на своето работење, Wizz Air може да ги користи услугите на разни обработувачи на податоци и надворешни даватели на услуги за управување и обработување на Вашите лични податоци за специфични цели, во име и во согласност со упатствата на Wizz Air. Покрај тоа, според важечките закони за воздухопловство, Wizz Air е обврзан да ги споделува Вашите лични податоци со владини тела, власти и други извршни органи.
Обработувачите на податоци ќе ги обработуваат личните податоци, сѐ додека договорот за обработка на податоци склучен со нив е важечки и во сила или пак, сѐ додека не се побара да ги чуваат Вашите податоци според важечките закони за задржување на податоци.
Можно е да ги откриеме Вашите лични податоци на следните категории трети страни (примачи) за целите опишани подолу:
- патнички агенти и останати трети страни преку кои резервирате патувања или други услуги,
- даватели на услуги од трети страни чиишто услуги сте ги купиле на нашата веб-страница (заедно со, но не и ограничено на, осигирување, услуги на превоз), во нашата апликација или преку Центарот за подд
- нашите партнери во шемите за лојалност на коишто сте се придружиле,
- компании што работат на тлото и аеродроми за обезбедување на услугата што сте ја побарале,
- компании за кредитни картички, даватели на услуги за плаќање за обработка на плаќањата што сте ги започнале на нашата веб-страница, во нашата апликација или преку Центарот за поддршка,
- трети страни што вршат анкетирање на корисниците во Ваше име,
- други даватели на услуги од трети страни што сме ги вклучиле за обработка на податоци,
- трети страни, како што се правни фирми, судови и други тела или даватели на услуги за спроведување или применување на договорите склучени со Вас,
- владини тела или извршни органи, како што се полицијата и регулаторните органи, на нивно барање и само во согласност со важечкиот закон или пак, за заштита на нашите права или безбедноста на нашите ко
11.1. Wizz Air Group
Вашите лични податоци може да се споделуваат во рамките на Wizz Air Group колку што е потребно за да се обезбедат услугите што сте ги купиле од нас или пак, за да се олесни купувањето услуги или производи на трети страни на нашата веб-страница, преку нашата апликација за мобилни уреди или преку нашиот Центар за поддршка. За повеќе информации за Wizz Air Group, кликнете тука.
11.2. Даватели на услуги од трети страни
Кога ја купувате услугата на давател на услуги од трети страни преку нашата веб-страница, апликацијата за мобилни уреди или Центарот за поддршка (на пр., нарачувате услуга за превоз или други поврзани активности), Вашите лични податоци ќе ги пренесеме до соодветниот давател на услуги за да се олесни купувањето и обезбеди услугата нарачана од нас.
Обработката на податоците од трети страни може да се врши и согласно нивните политики за приватност. Ве советуваме да ги прегледате политиките за приватност директно на веб-страницата на третите страни за повеќе информации околу нивните практики на обработување податоци. Освен тоа, добиваме и информации за Вас од трети страни, како на пример, кога учествувате во програма за лојалност.
11.3. Обработувачи на податоци
Wizz Air ангажира одредени трети страни како помош при обезбедувањето на услугите купени од нас. Третите страни ги обезбедуваат следниве услуги:
- услуги на управување на тлото на аеродромите,
- услуги на обработка на плаќање,
- водење шеми на лојалност,
- обезбедување услуги на IT-поддршка,
- обезбедување одредени услуги на аеродромите, како на пр., продавање билети, услуги поврзани со багаж, приоритетно влегување во авионот, промени на летот.
11.4. Центар за поддршка
Ангажираме добавувачи од трети страни за обезбедување услуги на Центар за поддршка за нас. Повеќе информации за добавувачите може да најдете тука. Нашиот Центар за поддршка ги обработува Вашите лични податоци во согласност со „Политикава за приватност“. Повиците се снимаат за заштита и репродукција на вербални обврски ако дадете согласност за тоа и може да се поврзат со други податоци за резервирање. Се архивираат и поплаките испратени по електронски пат, преку пошта или е-пошта и може да се поврзат со други податоци за резервации за решавање можни постапки за поплаки во иднина.
11.5. Владини тела и извршни органи:
Можно е да ги пренесеме Вашите лични податоци на владините тела или извршните органи, како што се полицијата и регулаторните органи, на нивно барање и само во согласност со важечкиот закон или пак, за заштита на нашите права или безбедноста на нашите корисници, вработени и имот.
11.6. Гранична полиција и имиграциски органи:
Во некои земји, Wizz Air е обврзан со закон на агенциите за гранична контрола да им даде пристап до информациите за резервации и патувања. Според тоа, сите информации што ги имаме за Вас и Вашите аранжмани за патување може да се откријат на царинските и имиграциските органи на местото на поаѓање или пристигнување или единицата за информации за патници. Освен тоа, законите во одредени земји му наложуваат на Wizz Air да собира информации од пасошите и слични информации за сите патници пред почетокот на патувањето до и од тие земји. Кога така ќе наложи важечкиот закон, Wizz Air ќе ги обезбеди тие информации на соодветните царински и имиграциски органи.
Имајте предвид дека согласно Директивата (EU) 2016/681 од Европскиот парламент и Советот од 27 април 2016 година за користењето на евидентираните податоци за името на патникот (PNR) за спречување, откривање, истражување и поведување постапки за прекршоци со терористичка заднина и сериозни кривични дела, Wizz Air е обврзан да ги проследи Вашите податоци за патување за единицата за информации за патници од земјата членка до којашто патувате.
12. ПРЕНОС НА ВАШИТЕ ЛИЧНИ ПОДАТОЦИ ДО ТРЕТИ ЗЕМЈИ
Преносот на Вашите лични податоци надвор од Европската економска област може да биде неопходен за обезбедување услуга која сте ја побарале, а до Вашите лични податоци може да пристапат членовите на Wizz Air Group, како и обработувачите на податоци и давателите на услуги од земји што не обезбедуваат исто ниво на заштита на податоците како што е предвидено во Европската економска област. Wizz Air ќе ги преземе соодветните мерки за да се обезбеди неопходното ниво на заштита од страна на примачите на Вашите лични податоци како што е дефинирано со важечкиот закон за заштита на податоци, особено преку примената на Стандардните договорни клаузули издадени од Европската комисија или по одлука на Европската комисија според која земјата во која се наоѓа примачот на пренесените податоци треба да обезбеди соодветно ниво на заштита на податоците.
Ако, во однос на преносот на податоци во странство, не може да се обезбеди соодветно ниво на заштита на личните податоци, ќе побараме Ваша јасна согласност во врска со таквиот пренос на податоци во странство. Имајте предвид дека при такви преноси на податоци постојат одредени ризици, особено што во земјата на примачот на податоци и неовластени трети страни може да имаат неразумен пристап до наведените податоци и можеби нема да може да се остварат правата на субјектот на податоците и/или Вашето право на приговор против дела што може да им наштетат на Вашите лични податоци и Вашето право на приватност.
На веб-страницата, меѓу почетните и крајните дестинации, може да ги најдете третите земји каде што може да се пренесат Вашите лични податоци или од кои може да се пристапи до податоците, зависно од Вашата дестинација на патување и давателите на услуги што ги користиме за обезбедување на нашите услуги.
13. ДЕТАЛИ ЗА КОНТАКТ НА СЗП
Ако имате дополнителни прашања за „Политиката за приватност“ или за тоа како управуваме со Вашите лични податоци, контактирајте со нас со пополнување на образецот на интернет со кликнување ТУКА или испраќање писмо до службеникот за заштита на податоци на Wizz Air Hungary Ltd., Laurus Offices, Kőér street 2/A, Building B, II-V., H-1103 Будимпешта (или на адресата на е-пошта data.protection@wizzair.com).
14. КОЛАЧИЊА
Кога ја користите нашата веб-страница, Вашиот прелистувач складира колачиња на Вашиот уред. Користиме неколку типови колачиња. Некои колачиња се постојано вклучени затоа што се неопходни за правилното функционирање на веб-страницата. Колачињата за аналитички цели ја подобруваат нашата веб-страница и Ви го нудат најдоброто можно корисничко доживување. Други колачиња се користат за попријатни поставки за веб-страницата или прикажување персонализирани содржини и Ви овозможуваат да споделувате информации. Имајте предвид дека зависно од поставките што ќе ги изберете, можно е некои функции на веб-страницата веќе да не се достапни или да не може да Ви обезбедуваме персонализирани содржини. Повеќе за колачињата што ги користи Wizz Air, како и за тоа како да ги блокирате, може да прочитате тука.
Сѐ додека не се најавите на Вашата сметка на Wizz Air, користењето на таквите податоци за целите опишани во претходната реченица ќе биде во псевдонимизирана форма. Тоа значи дека ќе го замениме Вашето име и другите карактеристики што може да Ве идентификуваат со друг идентификатор за да биде невозможно да Ве идентификуваат како личност и притоа нема да ги поврземе профилите на користење со други податоци што ги чуваме за Вас. Откако ќе се најавите на Вашата сметка на Wizz Air, користењето на податоците за целите опишани во претходната реченица ќе биде персонализирано и поврзано со Вас.
Имате право да се спротивставите на користењето на Вашите податоци за создавање профили на користење како што е опишано погоре во секое време.
Можно е и да ги пренесеме податоците без можност за лична идентификација, како што се, меѓу другото, анонимни демографски информации и однесување на интернет на нашите договорни партнери (на пример, трети страни што даваат услуги или банки што издаваат брендирани кредитни/дебитни картички на WIZZ, со специјални погодности) за целта на истражување на пазарот. Според тоа, „Податоците без можност за лична идентификација“ значи дека ги менуваме Вашите лични податоци, така што информациите што се однесуваат на лични или материјални околности не може да Ви се припишат или дека за таквото нешто ќе бидат потребни непропорционално време, трошоци и напор. Ги складираме податоците што ги испраќаат прелистувачот и уредот до нашата веб-страница во текот на процесот на резервирање. Таквите податоци нема да се откријат на трети страни, освен во агрегатни форми, без можност за лична идентификација.
15. КОРИСТЕЊЕ НА ВАШИТЕ ЛИЧНИ ПОДАТОЦИ ЗА МАРКЕТИНШКИ ЦЕЛИ
Ви испраќаме билтени по е-пошта, SMS, рекламни известувања, пораки во апликации, со одлични попусти и специјални понуди ако сте побарале таква комуникација од нас со тоа што сте се претплатиле на такви услуги или јасно сте се согласиле на тоа. Нема да контактираме со Вас по електронски пат за маркетиншки цели, освен ако јасно ја искажете Вашата согласност со означување на соодветните полиња на образецот за внесување податоци со Вашите информации за контакт.
16. ПРОМЕНИ НА НАШАТА „ПОЛИТИКА ЗА ПРИВАТНОСТ“
Ако ја промениме „Политиката за приватност“, ќе ја објавиме ажурираната верзија на нашата веб-страница, wizzair.com.
17. ВЕБ-СТРАНИЦИ ОД ТРЕТИ СТРАНИ
Сајтот на wizzair.com дава врски до други сајтови за Ваша корист и информации. Имајте предвид дека тие страници може да се сопственост и одговорност на други компании и организации и имаат различни политики за безбедност и приватност. Wizz Air нема контрола над нив и не презема одговорност за информациите, материјалите, производите или услугите што се содржат на и се достапни преку тие веб-страници.
18. ОДГОВОРНОСТ НА ТРЕТИ СТРАНИ
Wizz Air не сноси одговорност за користењето на Вашите податоци од трети страни, каде користењето е дозволено за нивни цели. Во вакви случаи, и третите страни се сметаат за контролори на податоци. Погледнете во нивните политики за приватност за дополнителни информации.
Оваа „Политика за приватност“ важи од 11 август 2020 година .
