ტარიფის წესები

ზემოთ ნაჩვენები ტარიფები მოცემულია ერთ ადამიანზე, ერთი მიმართულებით მგზავრობის მარშრუტისთვის და მოიცავს გადასახადებს, ადმინისტრაციულ და სხვა სახის არანებაყოფლობით მოსაკრებლებს. ვინაიდან ჯავშნების გაფორმება შესაძლებელია ერთდროულად, დაჯავშნის დროს ტარიფები შეიძლება შეიცვალოს. ტარიფი გარანტირებულად ჩაითვლება მხოლოდ დაჯავშნის დასრულებისა და ჯავშნის ნომრის შემცველი დასტურის მიღების შემდეგ.

2018 წლის 1 ნოემბრიდან ყველა მგზავრს უფლება აქვს, უფასოდ აიტანოს ბორტზე ხელბარგის ერთი ერთეული, რომლის მაქსიმალური ზომებია 40x30x20 სმ და რომელიც უნდა მოთავსდეს სავარძლის ქვეშ. მგზავრებს, რომლებსაც შეძენილი აქვთ WIZZ პრიორიტეტის სერვისი, დამატებით შეუძლიათ ბორტზე აიტანონ საგორებელი ჩანთა, რომლის მაქსიმალური ზომებია 55×40×23 სმ. გარდა ამისა, Wizz Air შემოგთავაზებთ რეგისტრირებული ბარგის ახალ ტიპს 10 კგ-იანი ნორმით, რომელიც ხელმისაწვდომი იქნება უკვე არსებულ 20 და 32 კგ-იან ვარიანტებთან ერთად.

შეძენა შესაძლებელია ხელბარგის ახალი წესების შესაბამისად, რომლებიც ამოქმედდა 2018 წლის 10 ოქტომბერს 2018 წლის 1 ნოემბრის შემდგომ პერიოდში მგზავრობისთვის. იმ მომხმარებლების ჯავშნებს, რომლებიც მგზავრობენ 1 ნოემბერის შემდგომ პერიოდში და WIZZ პრიორიტეტის გარეშე შეიძინეს ავიაბილეთები 10 ოქტომბრამდე, უფასოდ დაემატება 10 კგ-იანი რეგისტრირებული ბარგი, რომელიც უნდა ჩააბარონ სარეგისტრაციო დახლთან. იმ მომხმარებლების ჯავშნებს კი, რომლებსაც უკვე შეძენილი აქვთ 20 ან 32 კგ-იანი რეგისტრირებული ბარგი, უფასოდ დაემატება WIZZ პრიორიტეტი, რომელიც საშუალებას მისცემს, უფასო ხელბარგთან ერთად, ბორტზე აიტანონ საგორებელი ჩანთა.

რეგისტრირებული ბარგის სასურველი რაოდენობის მითითება და შესაბამისი საფასურის გადახდა უნდა მოხდეს ავიაბილეთის დაჯავშნისას. ბარგის ერთეულების დამატება შესაძლებელია მოგვიანებითაც, როგორც ინტერნეტით, ისე Wizz Air-ის საინფორმაციო ცენტრის მეშვეობით. დიდი ხელბარგის და/ან რეგისტრირებული ბარგის არსებულ ჯავშანში დამატების შემთხვევაში მოგიწევთ ბარგის უფრო მაღალი მოსაკრებლების გადახდა.
თუ ბარგის დამატებითი ერთეულების ღირებულებას გადაიხდით აეროპორტში, ბარგის მოსაკრებელი უფრო მაღალი იქნება.
თუ რეისზე დაარეგისტრირებთ ბარგის იმაზე ნაკლებ ერთეულს, ვიდრე გადახდილი გაქვთ, ბარგის მოსაკრებელი არ დაგიბრუნდებათ.

რეისის მარშრუტის, დროისა და თარიღის შეცვლა შესაძლებელია შეცვლის შესაბამისი მოსაკრებლის გადახდით, გამგზავრებამდე არა უგვიანეს 3 საათით ადრე. თუ ახალი რეისის თარიღისა და დროისთვის ხელმისაწვდომი ტარიფი, გადასახადები, მოსაკრებლები და საკომისიოები იქნება თავდაპირველზე მაღალი, მოგიწევთ სხვაობის დაფარვა.

სახელის შეცვლის მოსაკრებლის გადახდის შემთხვევაში შესაძლებელია მგზავრის სახელის შეცვლაც.

ამ ტარიფით შემოთავაზებული ადგილების რაოდენობა შეზღუდულია და შეიძლება მიუწვდომელი იყოს ამ ან სხვა რეისებზე ავიაბილეთების მოგვიანებით დაჯავშნისას.
შეძენამდე ტარიფები შეიძლება შეიცვალოს.

აეროპორტში მგზავრების რეგისტრაცია იწყება გამგზავრების პუნქტის განრიგში მითითებულ გამგზავრების დრომდე 2 საათით ადრე და სრულდება 40 წუთით ადრე. თუ შესაბამის ვადებში ვერ შეძლებთ რეგისტრაციის პროცედურის გავლას, ან რაიმე მიზეზის გამო გვიან გამოცხადდებით სარეგისტრაციო დახლთან/ჩასხდომის გასასვლელთან, თქვენი ჯავშანი გაუქმდება, ბორტზე ასვლა აგეკრძალებათ და დაგიბრუნდებათ ავიაბილეთის სრული ღირებულება (ადგილის რეზერვაციისა და სხვა შესაბამისი მოსაკრებლების გამოქვითვის შემდეგ).

რით შეგვიძლია დაგეხმაროთ?